رائعه ولكن!

في البداية ماحبيتها وقلت حكتب ريفيو بعد مااجربها كويس، اخدت الدرجة التانيه اول ما استخدمتها ماحبيت ان كنت احس الكونسيلر بيغمق بسببها، الان صرت اعشقها حلوه مره تعطي منظر ناعم للبشره وتخفي الخطوط والمسام وماهي جافة ابدا ابدا ما تجفف. اثبت كامل وجهي وحتى تحت العين وبعدها احط بودرة لورا مارسي البنك فقط تحت العين وفي الاماكن الي ابغا تنوير الطريقة دي حلوه مره لان اولوزي ماقلت كنت احسها تغمق الكونسيلر شوية بدي الطريقة صار يتنور تنوير طبيعي وبسيط تحت العين (ماحب التنوير الاوفر) ،،، ماندمت اني اخدتها بس عيبها الوحيد الي كل مااحط منها يضايقني مره مره العطر الي فيها مبالغ فيه جدا جدا جدا مزعج ( ماعمري اضايق من العطور في الاساس او اي باودر تاني يعني) بس دي مزعج العطر يدخل في حلقك وفي انفك وفكيانك وجوارحك من قوته وهي متطايره نوعا ما عشان كدا قد مااحاول احط خفيف خفيف عشان اتجنت الشي دا مافي فايده هادا عيبها الكبير والوحيد. لكن غير كدا هي فعلا حلوه وناعمه عالوجة ماهي جلو ولا مات مره تثبت المكياج حتى مره حطيت باودر كانت جافه شويه حطيت فوقها هادي على طول عدلت المنظر الجاف هادي نقطة مره حلوه.

لسا مني عارفة احبها

مني قادرة احبها او اعتمد عليها بحاول اجربها اكتر وارجع تكتب ريفيو اذا غيرت رأي!! حاليا هي حلوه ناعمه عالوجة لا تكتري منها عشان ما تجفف البشره كتير بس الي مو عاجبني انها مره تغمق وجهي اخدت دوجة ٢ انا فاتحة بشرتي ناتشورال مايله للصفار اكتر بس دي البودره اولا تغمق الكونسيلر مره وتغلي ضل تحت العين والوجة كمان يغمق ماعمدي مشكله لو يغمق شوية والفنش حلو بس دي اللون بيصير مو حلو لون وجهي لو الكونسيلر بينقلب ما بيصير لون حلو بيصير وجهي كاني مريضة مره زعلانه لانها من جد مو رخيصة ححاول اجربها بطرق تانيه مع باودر كومباكت لونو مناسب اكتر شفت كذا طريقة ححاول اجرب ان غيرت راي حرجع اكتب ريفيو